Sahir Ludhianvi
—————–
maiN ne jitna Sahir ko paRha hai utna hi pasand kiya hai. mere khayaal se Sahir ka shumaar un shayeroN meN hota hai jin ka naam kisii ta’arruf ka mohtaaj nahiiN. kaun bhool sakta hai in ‘linoN’ ko?
“maiN pal do
pal ka shayar hooN, pal do pal meri kahaani hai
pal do pal meri hasti hai, pal do pal meri jawaani hai”
Sahir jaisa pur.andaaz shaayar shaayad dobaara nahiN aaye ga. inki shayari pe inka hi likha hua she’r kya khoob fit hota hai. likhte haiN:
“duniya ne tajrubaat-o-hawaadis ki shakl meiN
jo kuchh mujhe diya hai woh lauTa raha hooN maiN”
inki shayari meiN phooloN aur qaus-e-qazaaH ka zikr nahiiN aur na hi titliyoN ki kahiiN baat hai. inki shayari meiN aik azm hai, aik walwala hai, diloN ko garma dene waala walwala. aik ranj hai, aik soch hai. itne saada alfaaz meiN koi itni mushkil baat itni asaani se bhi kah sakta hai?
“apne seene se lagaaye hue ummeed ki laash
muddastoN zeest ko nashaad kiya hai maiN ne
tu ne to aik hi sadme se kiya tha dochaar
dil ko har tarah se barbaad kiya hai maiN ne”
jahaaN inhoN ne apne watan aur watan baasiyoN ke liye likha hai wahaN inhoN ne “kisii” ke husn ke qaseede bhi likhe haiN. aksar jab Sahir ki diloN ko garma dene aur kuchh kar uThne waali shaayari ke baad inki likhi aisi nazm parho jo kisii sinf-e-naazuk se mukhaatib ho to hairat hoti hai ke kyaa yah wohi shayar hai. itne lateef jazbaat?
“tapte dil par yooN girti hai
teri nazar se payaar ki shabnam
jalte hue jungle par jaise
bar.khaa barse, ruk ruk tham tham”
Sahir ne nazm ko aik naya andaaz diya hai, nihaayet saada alfaaz ke istemaal ne inki nazmoN ko mere jaise kam faham logoN ki samjh ke liye bhi aasaan bana diya hai. yahi saada-pan inki nazmoN ko itna maqbool banaata hai. maiN ne inki aksar nazmoN meN aik be-basi mahsuus ki hai. mohabbat meN taRapte hue dil ki be-basi, jis ke paas siwa muhabbat ke kuchh chaara nahiN, jo kisii jaal meN phaNse parinde ki tarah khuli hawa meN saans to leta hai magar aazaad nahiN.
“tang aa chuke haiN kashmash-e-zindagi se ham
Thukra na deN jahaN ko kahiN be-dili se ham
lo aaj ham ne toRh diya rishtay-e-ummeed
lo ab kabhi gila na kareN ge kissi se ham
gar zindagi meN mil gaye phir ittefaaq se
puuchheN ge apna haal teri be-basi se ham”
Sahir ke qalam ke likhe hue gaane aap bhi sunte haiN aur maiN bhi. bas hameN yahi maaloom nahiN ke itne khoobsurat bol likhne waale shayar ka kya naam hai.
inke chand mashoor-e-zamaana geetoN ke chand bol:
jurm-e-ulfat pe hameN log saza dete haiN
jaane woh kaise log the jin ke pyar ko pyar mila
paaooN chhu lene do phooloN ko inaayet ho gi
jo waada kiya woh niBhaana parhe ga
naghma-o-sher ki soGhaat kise paish karooN
bhoole se mohabbat kar baiTha, nadaaN tha bechaara dil hi to hai
abhi na jaao choRh kar ke dil abhi bhara nahiN..
zindagi bhar nahiN bhuule gi woh barsaat ki raat
jo baat tujh meN hai, teri tasveer meN nahiN
jise tu qabool kar le, woh adaa kahaaN se laaooN
kabhi kabhi mere dil meN kheyaal aata hai
jeevan ke safar meN raahi milte haiN bichaRh jaane ko
mere dil meN aaj kya hai tu kahe to maiN bata dooN
milti hai zindagi meN mohabbat kabhi kabhi
tum apna ranj-o-gham apni parishaani mujhe de do
tum agar mujh ko na chaaho to koi baat nahiN
tum agar saath dene ka waada karo
pal do pal meri hasti hai, pal do pal meri jawaani hai”
Sahir jaisa pur.andaaz shaayar shaayad dobaara nahiN aaye ga. inki shayari pe inka hi likha hua she’r kya khoob fit hota hai. likhte haiN:
“duniya ne tajrubaat-o-hawaadis ki shakl meiN
jo kuchh mujhe diya hai woh lauTa raha hooN maiN”
inki shayari meiN phooloN aur qaus-e-qazaaH ka zikr nahiiN aur na hi titliyoN ki kahiiN baat hai. inki shayari meiN aik azm hai, aik walwala hai, diloN ko garma dene waala walwala. aik ranj hai, aik soch hai. itne saada alfaaz meiN koi itni mushkil baat itni asaani se bhi kah sakta hai?
“apne seene se lagaaye hue ummeed ki laash
muddastoN zeest ko nashaad kiya hai maiN ne
tu ne to aik hi sadme se kiya tha dochaar
dil ko har tarah se barbaad kiya hai maiN ne”
jahaaN inhoN ne apne watan aur watan baasiyoN ke liye likha hai wahaN inhoN ne “kisii” ke husn ke qaseede bhi likhe haiN. aksar jab Sahir ki diloN ko garma dene aur kuchh kar uThne waali shaayari ke baad inki likhi aisi nazm parho jo kisii sinf-e-naazuk se mukhaatib ho to hairat hoti hai ke kyaa yah wohi shayar hai. itne lateef jazbaat?
“tapte dil par yooN girti hai
teri nazar se payaar ki shabnam
jalte hue jungle par jaise
bar.khaa barse, ruk ruk tham tham”
Sahir ne nazm ko aik naya andaaz diya hai, nihaayet saada alfaaz ke istemaal ne inki nazmoN ko mere jaise kam faham logoN ki samjh ke liye bhi aasaan bana diya hai. yahi saada-pan inki nazmoN ko itna maqbool banaata hai. maiN ne inki aksar nazmoN meN aik be-basi mahsuus ki hai. mohabbat meN taRapte hue dil ki be-basi, jis ke paas siwa muhabbat ke kuchh chaara nahiN, jo kisii jaal meN phaNse parinde ki tarah khuli hawa meN saans to leta hai magar aazaad nahiN.
“tang aa chuke haiN kashmash-e-zindagi se ham
Thukra na deN jahaN ko kahiN be-dili se ham
lo aaj ham ne toRh diya rishtay-e-ummeed
lo ab kabhi gila na kareN ge kissi se ham
gar zindagi meN mil gaye phir ittefaaq se
puuchheN ge apna haal teri be-basi se ham”
Sahir ke qalam ke likhe hue gaane aap bhi sunte haiN aur maiN bhi. bas hameN yahi maaloom nahiN ke itne khoobsurat bol likhne waale shayar ka kya naam hai.
inke chand mashoor-e-zamaana geetoN ke chand bol:
jurm-e-ulfat pe hameN log saza dete haiN
jaane woh kaise log the jin ke pyar ko pyar mila
paaooN chhu lene do phooloN ko inaayet ho gi
jo waada kiya woh niBhaana parhe ga
naghma-o-sher ki soGhaat kise paish karooN
bhoole se mohabbat kar baiTha, nadaaN tha bechaara dil hi to hai
abhi na jaao choRh kar ke dil abhi bhara nahiN..
zindagi bhar nahiN bhuule gi woh barsaat ki raat
jo baat tujh meN hai, teri tasveer meN nahiN
jise tu qabool kar le, woh adaa kahaaN se laaooN
kabhi kabhi mere dil meN kheyaal aata hai
jeevan ke safar meN raahi milte haiN bichaRh jaane ko
mere dil meN aaj kya hai tu kahe to maiN bata dooN
milti hai zindagi meN mohabbat kabhi kabhi
tum apna ranj-o-gham apni parishaani mujhe de do
tum agar mujh ko na chaaho to koi baat nahiN
tum agar saath dene ka waada karo
No comments:
Post a Comment